Microsoftek bere sare soziala jarri du martxan: http://www.so.cl
Google+ekin antza handiagoa du, Facebookekin baino. Dena den, Facebooketik bertatik erregistratu daiteke bertan.

ETB1eko ’Azpimarra+’ saioan Rufi Etxeberria elkarrizketatuko du gaur Maddalen Iriartek (23:10). Kontuan hartzekoa da Iriartek eta ETBko beste kazetari batzuek Etxeberria elkarrizketatzeko debekua izan dutela zuzendaritzaren aldetik hiru urteotan.

Igandean 30 urte beteko dira EITB sortzeko legea Eusko Legebiltzarrean onartu zenetik. 1982ko azaroaren 23an hasi zituen Euskadi Irratiak bere emisioak. Eta ETB1renak 1982ko abenduaren 31n hasi ziren.

TVEk aurreneko aldiz bertan behera utziko ditu udako bere magazin guztiak, dirua aurrezteko. Ekainaren 29an amaituko dira eta irailera arte ez dira itzuliko.

Twitterrek bere plataforma euskaratzeko eta ondoren bere sisteman txertatzeko prest dagoela iragarri du. Lander Arbelaitzek, Joseba Kamiok eta Luistxo Fernandezek albiste horren inguruan duten iritzia emango dute biharko Berrian.

Intereconomia kateak erregulazio espediente bat aurkeztuko du bihar eta 100 langile kaleratuko dituzte.

UEUko ikastaroetan ’ETB 30 urte’ izenburupean ETBren ekarpenari erreparatuko diote ekainaren 28an eta 29an. Matrikulatzeko epea zabaldu da jada. Honatx egitaraua: http://www.ueu.org/ikasi/udako-ikastaroa/429/ETBk%2B30%2Burte

Nafarroako Canal6 eta Popular TV kateek bat egin ostean, Navarra Television kateak gaur hasiko ditu emisioak. Ricardo Betiak aurkeztutako 14:00etako albistegia izango da aurreneko emanaldia.

Hamaika Telebistak Herri Urratsi buruzko saio berezia emango du bihar, 21:00etan.

ETB1ek Quesos Entrepinares-Ampo Ordizia errugbiko Ohorezko Mailako finala emango du gaur 18:00etan. 2.500 zale joan dira Valladolidera Ordizia animatzera.

2001eko Alaves-Liverpool finalak %50,6ko kuota izan zuen La1n eta %11,1ekoa La2en (euskaraz). Bai, euskaraz Josetxo Lizartzak egin zuen partidaren kontaketa La2en. Bi kateak batuta 528.000 lagunek ikusi zuten partida EAEn, atzokoak baino 14.000 lagun gutxiago besterik ez.

Bukaresteko atzoko finalak %63,3ko ikusle kuota izan zuen EAEn (542.000 ikus-entzule).

Entzun dugunez, Bukaresteko estadiotik gaurko finala irratiz zuzenean emateko 18.000 euro ordaindu behar dira. Euskal Herriko irrati batzuek uko egin behar izan diote emisioa bertatik egiteari.

’El Temps’ astekari katalana kioskoetatik desagertuko da. Momentuz, harpidetza bidez jarraipena izango du aldizkariak. Akziodun berriak lortzen saiatuko da.

ETBK Sat kateak 1977. urtean Athleticek eta Juventusek jokatu zuten UEFA Kopako finala emango du bihar. Turinen jokatutako joanekoa 13:00etan eta 16:25ean ikusi ahalko da. Eta Bilbon jokatutako itzulerakoa 22:00etan.

Pernando Barrena elkarrizketatuko dute bihar ETB2ko ’Egun on Euskadi’-n. Kate horretan ezker abertzaleko ordezkari bati egindako lehen elkarrizketa da hiru urtetan, oker ez banabil.

Hollande-Sarkozy atzoko eztabaidak %63ko ikusle kuota izan zuen atzo Frantzian (17,79 milioi ikusle).

Astelehenean hasiko dira ’Bi eta Bat’ telesaila grabatzen. Emisioak hilaren 23an dira hastekoak.

Athletic-Real Madril partidak %41eko ikusle kuota izan zuen atzo EAEn (385.000 ikus-entzule).