Herrikide eta laguna dudan Maite Orue torturatzeagatik epaitutako poliziak absolbitu egin ditu auzitegiak. Maite torturatu zutela frogatzerik ez dagoela diote epaileek. Ez dute kontuan hartu Maitek berak bi polizia inongo zalantzarik barik ezagutu izana, ez dute kontuan mediku forentseen txostena. (Madrilgo Auzitegiak aginduta aztertu zuten bi mediku horiek Maite, eta ez zuten aldez aurretik ezagutzen), eta ez dute kontuan hartu psikologoaren txostena… Medikuek eta psikologoak bat egiten dute ondorioetan; hau da, Maiteren koadro medikoak bat egiten du torturak jasan dituen pertsona batek izan dezakeenarekin…. Epaileek diote tortura fisikoen aztarnarik ez dagoela… Bi urtera aztertu zuten Orue bi mediku forentseek, eta bost urtera egin dute epaiketa, beraz….
Fiskala eta Estatuaren abokatuak izan dituzte konplize polizia horiek… Espainiak aurpegia garbitu du beste behin ere… Euskal Herriarekiko, herritarrekiko… Herri honen eta norbanakoen eskubideen aurkako estrategia errepresiboak ez du etenik…
Kondenatzekoa, zalantzarik barik, baina kasu honetan antza ez da beharrezkoa…