Duela hiru urte abitatutako ’Bateragune auziarengatik’ ez balitz, Otegi BECeko oholtza gainean zegokeen ziurrenera gaurko ekitaldian. Baina ez zegoen Otegi; Laura Mintegi agertu da, EH Bilduren lehendakarigaia. Eta hunkidura bilatzen zuen ekitaldiaren ifrentzu bezala, lehendakari baten modura agertu da Mintegi: zuzen, itzulinguruka ibili beharrik gabe, mezuak argi emanez. Gertuko ere bai; BEC erraldoia unibertsitateko gela bailitzan.