Iritsi da Bateragune auziko sententzia, akaso, gutxien espero genuen egunean. Bazirudien boto partikularrak bultzatuta atzeratu dela horrenbeste, epaia aho batez ematea nahi zutelako, baina azkenean horrela ere ez. Miguel Colmenero Menendez de Luarcak eta Alberto Jorge Barreirok eman dute boto partikularra, absoluzioaren alde. Bostetik hiruk soilik izenpetu dute zigorra. Boto partikularra eman dutenetako batek azpimarratu du gizarte demokratiko batean epai-mahai independiente bat izateak duen garrantziaz. Zer esango du Angela Murillo andereak?