Espainiako Gobernuak energia sektorean egin nahi dituen erreformak tantaka zabaltzen ari dira. Efe agentziak kaleratu berri duenez, joan den astean Madrilek onartutako lege proiektuak esaten du zenbait energia motari ematen zaizkion dirulaguntzak Estatuak har ditzakeela bere gain. Gaur egun herritarrek hartzen dituzte bere gain dirulaguntza horiek —eolikoarenak esaterako-, hileroko tarifaren bidez. Laguntza horiek dakarte, besteak beste, hemen argindarra beste herrialde batzuetan baino garestiagoa izatea.