Nievek hamargarren postu horri eusteko arazoak izango dituen arren, GIRO itzela egin du! Zorionak beraz Nieve, Anton eta beste Euskaldun guztiei ere, egindako lanagatik !!!

Talde nagusian nork kenduko dizkio lau minutu eta erdi Kiryienkari? Rujano 4 minutura doa, baina ezin dio kendu segundorik. Ez dut uste Kiryienka eusteko gai izango denik, baina izugarrizko igoera egiten ari da.

Helmuga urruti izan arren, gaurko etapan ere txikizio handia ikusten ari gara… Nieve eta Anton atzean helditu diren arren, ea denbora galera handirik ez duten eta Nieveren sailkapen nagusiko ohorezko postua mantentzeko moduan dauden… Animoooo!!!

A ze txikizioa Finestren gora. Kiryienka doa aurretik, eta atzean, ”tropelean”, zazpi-zortzi besterik ez, Liquigas tiraka dela. Anton atzean geratu da igotzen hasterako, eta Nievek ere ezin izan dio eutsi taldetxoaren erritmoari. Erotu gabe, indarrak neurtzea hobe hala ere. Kreuziger eta Sivtsov ere ez doaz liderraren taldetxoan.

Gazzettadellosport-etik lapurtua, Finestre aldapatzarraren irudiak, neguan, Geox taldearen saio batean. Dena da berdina, elurra izan ezik. Aupa Antton! Gaur garaipenetik gertu! http://www.gazzetta.it/Speciali/Giroditalia/it/28-05-2011/tutti-finestre-801371561344.shtml

Pinttoko Olentzero? Burua hanka zuztarrak bezain sendoak dauzkala erakutsi du zenbatzailek, eta tifosien txaloak jaso bere eskuzabaltasunari esker. Tiralongok ez luke garaipenik poltsikoan Contador gabe. Antonek atseden hartu duela esango nuke, eta bihar Sestrieren aurrean ibiliko dela apustu!

Michele Scarponi bera lehertuta iritsi da gaur helmugara, Vincenzo Nibaliri segitu ezinda, Denis Mentxovek ere ezin izan die segitu aurrekoei, Jose Rujano txakalaldi zantzuekin ibili da, Igor Anton erabat hustuta geratu da… Ikusteko polita da hori, baina Mikel Nieve egunero esaten ari da oso-oso nekatuta daude, gorputzari ezin diotela buelta eman. Inoiz ez dugu neurririk [...]

Ez nuke esango dopina zuzenean horrelako etapekin erabat lotuta dagoenik, baina ez dutela laguntzen bai. Osasunez asko hitz egiten da, baina horrelako ibilbideak osasuntsuak direnik ezindugu esan. Beti ikuskizuna txirrindularien aurretik

Eskerrak hirugarren mailakoa zen azken mendatea. Polita Contadorrek Tiralongorekin eduki duen keinua, irabazten utzi diolako (iaz taldekideak izan ziren), eta pena Igor Antonen txakalaldia, denbora asko galdu duelako. Hori bai, Nieve 6. jarri da berriz ere sailkapen nagusian. Biharkoa, berriz diot, astakeria handia nire ustez. Txirrindulariak lehertuta daude, eta bihar muga-mugan iritsiko dira helmugara… iristen [...]

Giroa bukatzen ari da. Euskaldunek lortutako bi etapa garaipenak izugarriak izan arren, Nievek eta Antonek, lehen hamarretan sailkatzeko aukera ere ezin dute baztertu. Garaipena Contadorren eskura dago eta podiumeko borrokan, zaila izango da Nibalik eta Scarponik huts egitea!

Podiuma erabakita? Ezetz esango nuke, eta apustu egitekotan, Nibali Scarponiren aurretik jarriko nuke nik. Oso gogorra da biharko etapa, eta edonor gera daiteke lehertuta. Baina Milango 26 kilometroko erlojupekoa dauka alde. Hala ere, hausnarketarako beste galdera bat: 19. etapa da gaurkoa, 209 kilometrokoa, eta 20.a biharkoa, 242 kilometrokoa. Jaitsieren arriskuaz hitz egiten da beti, baina [...]

Iritsi dira mendiko azkeneko bi etapak. Biharko ikusteko gogoa. Finestre. 2005ean Di Lucak egin zuen igoera, Simoniren jakituria, Rujanoren indarra, Savoldelliren kemena, Ardila, Garateren erasoa, bidexka hori, azkeneko kilometroetako paisaia…
Ea indarrik baduten guri ikuskizuna eskaintzeko.

Podiuma erabakita al dago?

Pentsa zitekeen etapa ikusten ari gara gaur. Tonale igotzen ari dira, eta hamaseiko taldea aurrean: tartean, Sivtsov, sailkapen nagusiko 12.a, Contadorrekiko 12 minutura dagoena. Talde askorentzat da txarra Highroadekoak minutu dezenteko aldea hartzea, tartean Euskaltel-Euskadirentzat. Baina atzean Liquigas ari da lanean. Nibalik goraka ez bada beheraka erasoa joko duela esan nahi du horrek. Eta 230 [...]

Ikaragarria Contadorrena. Indarrak neurtuz hasi du erlojupekoa, 5. kilometroan Nibalirengandik 13 segundora zihoalako, baina 28.55 eginda, 34 segundo atera dizkio helmugan. Bikaina espainiarraren lana.