Wiggins, Froome eta Nibali podiumean, eta Zubeldia seigarren. Zoragarria usurbildarraren Tourra. Aldeak handiak oso, laugarren sailkatua, Van den Broeck, hamar minututik gora geratu delako azkenean. Erlojupekoetan astindu handia eman du Wigginsek.

Merezita zeukan Wigginsek. Erlojupeko bikaina eta garaipen aparta. 1.04.13. Keinuarekin dena esan du ingelesak, amorru guztia azaleratu du.

Froomek hobetu egin du Luis Leon Sanchezen denbora: 1.05.29. Atzetik dator, ordea, garailea: Wiggins.

Oraintxe Evans helmugan: 1.10.07. Haimar Zubeldiarena da 6. postua, zortzi segundogatik.

Aise lortu du helburua Haimar Zubeldiak (1.09.45), zazpigarren postuari eutsiko dio, eta baita, ziurrenik, Evansi seigarrena kendu ere. Bikaina usurbildarraren Tourra.

Rollanden denbora da Zubeldiak zaindu beharrekoa. 1.10.33 egin beharko luke gehienez zazpigarren postuari eusteko eta 1.10.40 zortzigarrenari eusteko. Ia-ia hankaz gora joan da usurbildarra baina laster iritsiko da.

Helmugan 1.09.51 Brajkovicek. Haimar Zubeldiak, beraz, 1.10.40 egin beharko luke gehienez helmugan bere postuari eusteko, eta ondoren Evansi 6. postua kentzeko. Laster iritsiko da usurbildarra helmugara.

Merezitakoa jasotzen ari da Wiggins, ez delako gozoa izan beretzat aurtengo Tourra. Froome indartsuago zegoen itxuraz, baina…

Froomeri 54 segundo jada eta Luis Leon Sanchezi 58.

Wiggins harrigarri, 36.41.

Denborak dezente ari dira eskasten, eta haizea indartzen ari dela esan nahi du horrek ziurrenik.

Van den Broeck (39.10) eta Nibali (38.42) ere txukun 30,5. kilometroan.Froomek txikitu ditu denak (37.35). Hori bai, Sanchezen denbora 4 segundo bakarrik okerragoa.

Van Garderen oraintxe Evans taldekidea harrapatzera doa. Kolpe latza Evansentzat.

Oso pattal Evans 30,5. kilometroan (40.41). Zubeldia aurretik du jada. Van Garderenen denbora Luis Leon Sanchezena baino kaskarragoa (38.03), lehen erreferentzian ez bezala.

15 segundo kendu dizkio Brajkovicek Zubeldiari 30. kilometroan. 28 segundoko aldeari eutsi behar dio usurbildarrak azken 23 kilometroetan. Lor dezake oraindik ere.

Ez da denbora ona Zubeldiarena (40.04). Evansi irabaz diezaiokeen postua Brajkovicek kenduko dio ziurrenik. Beraz, zazpigarren amaitu dezake Tourra.

Zubeldiak 30,5. kilometroan egingo duen denboraren zain, oso eskas Pinot eta Rolland. Seguru samar da usurbildarra. Brajkovic eta Evansen denborak dira zaindu beharrekoak. Brajkovicek 39.49 egin du hor, ea Zubeldiak. Sailkapen nagusian 43 segundo dauzka bere alde.

Wigginsen denbora are hobea. 16.49. Denborarik onena bera, Froomena baino 12 segundo hobea eta Van Garderenena baino 35 segundo hobea. Harrigarria bi ingelesen lana.

Harrigarria Froomeren denbora 14. kilometroan. 17.01 minutu. Van Gardereni 23 segundo jada. Ea Wigginsen denbora zertan den, etapa bera jokoan egon daitekeelako.

Bikain Nibali ere (17.30). Laster iritsiko dira Froome eta Wigginsen denborak. Pinotek galdu egingo du 10. postua, denbora asko galtzen ari delako.