TVEn Informe Semanal-en ETAri buruzko erreportaje ’arraro’ bat bota berri dute: atentaturik handienen irudiak, biktima batzuen adierazpenak, ETArekin hitz egin duten politikari batzuen hitzak, oraingo Barne ministroarenak… Bukaeran Lazkaoko fraideen artxibategia azaldu da, esatariak esanez han dagoela ETAren sorrerako dokumentaziorik onena; ”ETAren bukaera idaztea falta da”. Bukatu da erreportajea, eta Informe Semanal-eko aurkezleak iragarri du 24h katean bihartik aurrera ETAri buruzko lau atal emango dituztela.