Ajangizko Udalak urte bukaerarako izango du prest herriko toponimia lana. Mikel Gorrotxategi euskaltzainak azaldu bezala “760 toponimo inguru aurkitu dituzte bolondresek eta orain mapetan kokatu behar ditugu leku izen horiek”. Dioenez, “izen ezaguna duen guztia sartu dugu toponimia lanean”. Ildo horretatik, landen izenak, mendien izenak, etxeen izenak, erreken izenak, iturrien izenak… agertuko dira besteak beste.

Iragan zapatuan, Muxikako Urretxindorra eskolako haurrak erreka eguna ospatu zuten. Isidro Rodriguez eskolako zuzendariak azaldu bezala, “30 haur, eta hamar  guraso inguru batu ditugu”. Zuzendaria “pozik” azaldu da deialdiak izan duen harrerarekin. Erreka eguna, “ingurumen balioak sustatzeko” aukera paregabea dela uste dute antolatzaileek. Ildo horretatik, “ingurumenaren garrantziaz jabetzeko”, era honetako jarduerak antolatzea “ezinbestekoa” dela esan du [...]