Cafe Bilbao Antzerki Sariaren Irabazlea. Helduentzako umorezko antzezlan argumentuduna da, saritutako testua eta zuzenean jotako musika uztartzen dituena. Euskeraz sortua eta euskeraz antzeztua. . Gartzia (Jon Urraza), bikote barik eta ondorioz, etxe barik gelditu den sortzaile “alternatiboa” da. Eta Morritson (Jon Zubiaga Osoron), rock-ero urratzailea izandakoa, orain ezkontzetan jotzen dabil, eta segurtasunaren ainguran bikotearekin “hipotekatua” bizi da. Berrelkartu egingo dira kultoko antzezlan bat sortzeko… Eta Gartziak lo egiteko lekua behar duelako, batez ere. Abiapuntu horrekin hainbat gai ukitzen ditu komedia honek, beti ere umore eta ironia bereziarekin: elkarbizitza, elkarlana, adiskidetasuna, bikote harremanak, sexua, maitasuna, etxebizitzaren arazoa…

Juan Karlos Alduntzinen hitzaldia. Zubietako errausketa plantari MORATORIA: zertarako eta alternatibak.

GZZk hitzaldia emango du hondakinen arazoa eta irtenbidea zertan datzan azaldu, jendearen galderak erantzun eta iritziak jasotzeko.

Zenbaitzuk errausketaren alde hain setastu zergatik jokatzen duten ulertzeko hitzaldi interesgarria emango du Mikel Peruarenak.

Aztertuko den testuaren gaia “Economía circular” izango da, Roberto Bermejo ekonomilariaren liburu batetik aterata. Testua gazteleraz egon arren, Ikas-tailerra euskeraz izango da. Mahai baten inguruan bilduko gara, parte hartzaile guztiei testua banatu, eta parrafoka irakurtzen joango gara, banaka-banaka, txandaka eta altuan. Parrafo bakoitza irakurtzen duenak eskubidea du lehenengo bere interpretazio edo iritzia emateko irakurri duenaren inguruan, ondoren beste edozeinek hitz egin dezake. Parte hartzaile orok du eskubidea, horrela nahi izanez gero, ez irakurtzeko edo hitz ez egiteko, entzutea bakarrik nahi izango balu. Ideia guztion artean kontzeptu eta datu batzuk barneratzea da, eta bertatik irten daitezkeen interpretazio ezberdinak elkarrekin kontrastatzea, eztabaida sano baten bidez. Helburu gorena: ikastea

Munduko musiken gaineko Sustraiez Blai Jaialdiaren hamaikagarren edizioa azaroaren 12an ospatuko da Ordizian. Oraingoan ere, iaz bezalaxe, musika-emanaldiak bi leku ezberdinetan izango dira: alde batetik, Garagartza plazan eta bestetik, merkatuko plaza estalian. Aipatu beharreko aurtengo berrikuntza da egun osoan zehar, goizetik hasita, artisautza-azoka izango dela herriko alde zaharrean.
Musika-festa arratsaldeko 18:00etan hasiko da, aipatu Garagartza plazan eta bertan bi talde hauek izango dira:
• LA TROCAMBA MATANUSCA (musika balkanikoa Valentziatik) eta DILSHAD (Donostiako dantza-taldea, ekialdeko dantzak eta sabel-dantza lantzen dituena).
Gauean, ekitaldi nagusia izango da, 21:00etatik aurrera, merkatuko plaza nagusian, artista handi hauen eskutik:
• ADABEGI taldea, Zestoatik, flamenkoa eta txalaparta nahastuz.
• BOMBINO, tuareg gitarra-jole handia, Nigerreko basamortuko blues musika ekarriko duena.
• SAMUELIKO Y LOS GUAILERS taldea Kataluniatik, bere runba bihurriaz jendea dantzan jarriko duena.
Edonola ere, ez da hemen bukatuko egun horretako egitaraua. Izan ere, kontzertu nagusiaren ondoren, Sugaar tabernan Talo DJ (Andoni Tolosa) ezagunak musika jarriko baitu, munduan zeharreko bidaia musikala proposatuz.
SARRERA DOAN

Ostegunean, Hondakinen Gaikako Atez Ateko bilketak Hernanin urte eta erdian eskaini dituen emaitzak aurkeztuko ditu Luis Intxauspe alkateak Hernanin Zero Zaborrek gonbidatuta

Hainbat buru eta aburu
Euskal Herriaren erronka sozio-ekonomikoak, gogoeta eta eztabaida liburuan

Gaindegiak, Euskal Herriko Garapen Ekonomiko eta Sozialerako Behategiak, bere buruari jarritako egitekoen artean dago gogoeta sustatzea. Gora behera ekonomiko eta sozial handien garaiak bizi ditugu eta mundua gure begien aurrean aldatzen ari da. Gaindegiak Euskal Herria aintzat hartzen duten ekonomia eta gizarte arloko 13 lagun elkarrizketatu ditu, erronka ekonomiko eta sozialez itaunduz.

• Jon Azua, E-novatinglab-eko Lehendakaria
• Michel Etchebest, Mauleko auzapeza eta Artzainak Taldeko Kide
• Ainhoa Etxaide, LABeko Idazkari Nagusia
• Anjeles Iztueta, Matematikaria
• Nekane Jurado, Ekonomialaria
• Antxon Lafont, Enpresaria
• Juan Carlos Longas, NUPeko irakaslea
• Adolfo Muñoz, ELAko Idazkari Nagusia
• Paul Nicholson, EHNEko kidea
• Mixel Berhokoirigoin, ELBko kidea eta EHLGko Lehendakaria
• Koldo Saratxaga, K2K Emocionando
• Pedro Luis Uriarte, Innobasque-ko Lehendakari ohia
• Eduardo Zubiaurre, Adegiko Lehendakaria

Elkarrizketatuen zerrendak izen aski ezagunak biltzen ditu, autoritate mailako iritzia dutenak hainbat gaitan. Izen hautaketa, ordea, ez da ausazkoa izan, denak dira bertako zein atzerriko errealitatea arretaz jarraitzen dutenak, eskarmentu handikoak ardura postuetan eta ibilbide publiko nabarmenekoak. Euskal Herriko eta munduko gora behera ekonomiko eta sozialen “giharrea” ezagutzen duten lagunak dira. Horrezaz gain, jarduera eremu, lurralde eta sentsibilitateen arteko oreka bilatzen du hautatutako lagunen multzoak.

Elkarrizketak ekonomia eta gizarte arloko kazetari ezagunek eginak dira. Elkarrizketatuek oinarrizko galdetegi batetik abiatuz kazetari bakoitzaren itaunketari jarraitu behar izan diote. Hartara, aditu bakoitzaren ezagumendu eta ikuspegiak azaleratzeko ahaleginak emaitza interesgarriak uzten dizkigu.

• Txotxe Andueza Ortega
• Joxerra Bustillo Kastrexana
• Carlos Etxeberri Arbonies
• Xabier Lekuona Barreras
• Iñaki Lekuona Oirtzabal
• Sabino Ormazabal Elola
• Ivan Santamaria San Roman
• Amaia Ugarte Rodríguez
• Bego Zubia Gallastegi

Munduko ekonomiaren eragina, babes soziala, gizarte garapena, lehiakortasuna, energia, burujabetasuna, formakuntza… egungo gizarte modernoetako auzien inguruan euskal ikuspegiz eta Euskal Herriari begira erantzuten dute adituek. Ariketa zinez interesgarria gertatzen da, ezohikoa inola ere.

Hurrenkera alfabetikoan liburuan parte harturiko zenbait egileren ideiak:

Azua, arrakastarako gakoak, eraginkortasun instituzional, profesional eta enpresariala
Estrategian pertsona aditua da Jon Azua eta bere erantzunetan igartzen zaio. Osagai guztiak (formakuntza, lehiakortasuna, azpiegiturak, energia…) xede baten bidean kokatzen ditu, eraginkortasuna. Bertako ondare industriala aintzat hartuz, mundu mailan jardunez irauteko gai izango den estrategia aldarrikatzen du Euskal Herriarentzat.

Etchebest, lurraldearekin konprometitutako ekoizpen eredua.
Enpresa eragile eta Mauleko alkateak, zer behar da indargune nagusietatik urrun dagoen lurralde batek bizirik eta osasuntsu irauteko goakoak azaltzen ditu. Euskal eragileen arteko lankidetza aldarrikatzen du Etxebestek, etorkizunean Euskal Herriak ez ezik, bere lurralde guztiek ere bizirik iraun dezaten.

Etxaide, nazio kohesioa gauzatu beharra ekonomia eta gizartean.
Eremu administratibo desberdinetan zatitutako Euskal Herrian eratorritako errealitate ekonomiko eta sozial desberdinak gainditu beharra ikusten du. Eskubide laboral eta sozialetan lurraldeen arteko berdintasunaren alde lan egiteari naziogintzarako aukera handiak ikusten dizkio.

Iztueta, gizarte zahartuaren erronkak eta aukerak.
Populazioaren zahartzeak dakartzan erronkak begitan hartzen ditu Iztuetak. Nolako gizartea datorkigun edo gure gizarteak nola erantzun behar dion erronka hori ditu mintzagai. Eredu ekonomikoaren eraginkortasun handiagoa eta zahartzeari lotutako jarduera profesionalen garapenari aukera ona ikusten dizkio.

Uriarte, gure potentziala goren mailaraino garatu.
Euskal Herriaren gaitasunaz zuzenean lehenago ere mintzatu izan da Uriarte. Herri txiki eta zaharkitu izatearen erronkarekin, berrikuntzaren bidetik balio erantsi handiko jarduerak sustatu beharra ikusten du. Mundu mailako lidergoa nahi du, berrikuntzari lotutako jardueretan, Euskal Herriarentzat.

Zubiaurre, industriaren lehentasuna eta lehiakortasuna bilatu beharra irauteko.
Ekonomiaren alde produktiboa ongi ezagutzen du Zubiarrek. Nola ekoitzi eta nola nola saldu, aberastasuna nola sortu orain eta nola sortzen jarraitu. Industriaren protagonismoa aldarrikatzen du Euskal Herriarentzat, ondare industrialaren garapenari atxikitako eredu argi baten bidetik ikusten du egin beharreko bidea hainbat arlotan.

Mondragon Unibertsitateko Enpresagintza Fakultateko Berdintasun Taldeak eta Kirol Zerbitzuak Bikote Mistoen Herri Lasterketa antolatu du, berdintasunaren aldeko lasterketa izango dena.
Lasterketa Oñatiko herri gunean eta 5 kilometroko luzera izango du.
Herri lasterketa denez, parte hartzea bultzatu nahi dugu eta ez irabaztea. Hori dela eta, lasterketa guztietako sari nagusiaz gain, parte hartzaileen artean hainbat opari zozketatu nahi ditugu.
Animatu eta parte hartu!
http://berdintxiketan.wordpress.com/

Bertso jaialdia Korrika 17 agurtzeko. Bertsolariak: Amets Arzallus, Maialen Lujanbio, Jon Maia, Andoni Egaña, Jone Uria, Arkaitz Estiballes

REK – Deustuko Laburmetrai Lehiaketa

http://karkardeustu.blogspot.com/2011/02/rek-deustualdeko-laburmetrai-lehiaketa.html

Hurrengo ostiral eta larunbatean Alfonso del Val eta Joan Marc Simon adituak izango dira hitzaldiak ematen. Alfonso del Valek “errauste planta batek eragindako kutsadurak eta hauen kontrolak” izenburuko hitzaldia emango du. Joan Marc Simonek berriz “errausketaren kontrako eta Zero Zaborren aldeko mugimenduak Europan eta munduan” izenekoa.
Ostiarlean Joan Marc Bergaran arituko da udal pleno aretoan 19:00etan eta Alfonso Zarautzen Antoniano aretoan 19:00etan. Larunbatean 10:30etan biak Usurbilen izango dira Sutegi aretoan. Hitzaldiak gaztelaniaz izango dira.

2011/03/26 bertso kantu jira afaria

Atez atekoa Usurbilen jarri zelako bigarren urteurrenaren ospakizunetan kokatuta, Usurbil Zero Zabor taldeak Botapunttuba bertso eskolarekin eta Usurbilgo kantu taldearekin batera antolatutako ekitaldia.
Maialen Lujanbio eta Sustrai Colina bertsolariak izango dira bertan. Menua ere apartekoa:
Arrai pastela
Ahate gibel musa
Baratxuri otarrain eta gula arrautza nahasia
Sorbetea
Behi masail, isatsa eta sagarra hostorean
Gazta tarta
kafea
kopa
Txartelak 3/24 ostegunerarte salgai
Txiriboga, Bordatxo eta Alamandegi tabernetan

“Kazetaritza, internet eta etorkizuna” izenburua izango duen mahai inguruan hiru kazetari bilduko ditugu eztabaidan: Jon Ordoñez (berriketan.info), Hasier Etxeberria (zuzeu.com) eta Luistxo Fernandez (sustatu.com). Gidari lanetan Xan Harriague kazetaria arituko da.

Marty Donkervoort etorriko da Kanadatik, Mondragon Unibertsitatera

Abertzaleak eta Euskara liburuarekin garaturiko eztabaida gidatuko du Joxe Manuel Odriozolak.

Hona hemen, horren inguruan berak esandako batzuk:
“Euskalgintzak badu arazoaren muina behar den tokian ez kokatzeko arriskua, arazoa osotasunean ez ikustekoarena. Nazio problematiketatik ihes egiteko joera izaten du.”

“Iruditzen zait nazio eraikuntzako prozesuak ez direla paraleloak, eta, paraleloak izan ezean, Irlandako adibidera goaz. Faltsua da nazio politiko batek ondoren nazio kultural bat sor dezakeenik; hori gezurra da, eta Irlanda da horren adibide. Euskal nazioak bere soilean ez digu balio euskararen normalizaziorako. Beraz, horregatik diot prozesuak, nazio politikoa eta kulturala, simetrikoak izan behar direla, paraleloak. Nazio kulturala da euskaraz eraikitzen den herria, ez espainiarrez, ezta frantsesez ere. Menderatu gaituen hizkuntzaren pean herri bat eraikitzea? Hori bai dela kontradikzio bat, oximoron bat!”

Gure 2. gaualdia, otsailaren 19an iraganen da Sarako Lurberri gelan.
Joan den agorrilan hasi ginuen abenturak lortu duen arrakastak, bigarren edizio baten egitera bultzatu gaitu.Izan ere 400 lagun bildu ginen Sarako mendi puntan, naturaren erdian ‘inde’ eszenak eskaintzen duen musika hoberena ospatzeko.
Aldi honetan,usoen kontrapasa aprobetxatzen dugu, alabaina , negua izanki ez dugu kanpoan eginen baizik eta Lurberri gelan.Hala ere, gure proiektuan garrantzi handia duen natura , apainketa berezien bidez oroitaraziko dugu.
Gaualdia 8etatik goiti hasiko da. Bertan jaki goxoetaz gozatzeko parada ( eltzekari,tarta, deserta…) ukanen duzute, edari goxo batek lagundurik.Kontzertuen aldetik gure programazioaz arro gira. Maite ditugun ‘inde’ taldeak gonbidatu nahi izan ditugu.Frogatu nahi dugu , Euskal Herrian zirkuito ofizialetik at, artista berritzaileak badirela.Anari errezibitzeko ohorea dugu.Horrezgain , beste talde oso interegari ( Leopold Skin,iano chat,martouf,cindjrella) batzuen ezagutzeko parada izanen da. Kuriosa eta musikazalea bazira zuretzako gaualdia da.

Euskal Herrian Euskaraz herri mugimenduaren 30. urteurrenaren harira sorturiko dokumentala ikusi eta EHEko kide batekin solasteko aukera izango dugu.

Jon Maia eta Amets Arzallus, Beasaingo Arrano Elkartean. Sarrerak Basakana eta Arranon, 17 €an

GZZk ostegunean Zestoako kultur etxean “Hondakinek badute irtenbidea” hitzaldia emango du. Hondakinen arazoa bezala ezaguna dena zertan datzan eta irtenbidea, Zero Zabor sistema, zein den azalduko dute hizlariek. Zero Zabor sistemaren barruan garrantzi handiakoa den ATEZ ATEko bilketa sistemari buruz ere jardungo dira hitzaldian.